Ці гэта не цуд?

Мэта: Распрацаваць рэкламную кампанію для прэзэнтацыі новага гатунку піва «Аліварыя Каляднае» - незвычайнага піва з навагоднім настроем і духам Калядаў, якое можа існаваць толькі ў гэты кароткі прамежак часу.

Шорт-сторы: З жыццёвай мудрасцю не паспрачаешся: чым больш дарослымі мы становімся, тым менш верым у цуды. Нават навагоднія святы – самы чароўны перыяд году – для дарослых ператвараецца ў шэраг насычаных запарамі дзён, сярод якіх цудам можа стаць толькі што адсутнасць кіламетровай чаргі ў гіпермаркеце ці чырвоная ікра па кошце баклажаннай. Таму мы паставілі сваёй мэтай паказаць аўдыторыі, што іх адмысловыя, дарослыя цуды сапраўды існуюсь, хоць і значна адрозніваюцца ад дзіцячых. А ўбачыць іх можна нават у штодзённых сітуацыях. Аліварыя здзейсніла самы галоўны цуд – святочны гатунак піва, звараны з дабаўленнем зімовых спецый і асаблівай каляднай душэўнасці. А наша агенцыя дадала да яго тры цуды для розных медыяканалаў, каб кожны атрымаў сваю порцыю чараўніцтва і даведаўся пра арыгінальны падарунак ад Аліварыі.

Каб убачыць першы цуд, трэба было ўсяго толькі націснуць чароўную кнопку тэлевізару - і сярод эфірнай мітусні раптам з’яўляляецца кранальная і ўтульная навагодняя гісторыя, у якой сапраўдныя цуды здараюцца тады, калі разам збіраюцца блізкія людзі і іх улюбёныя брэнды.

Другі цуд мог здарыцца з кожным амаль у яго пад бокам. Нечакана людзі, як і стагоддзі таму, зноў пачалі хадзіць адзін да аднаго калядаваць. Праўда гэтым разам калядавалі ў сацсетках. Дастаткова было дадаць на сайт фотаздымак, як ён пераўтвараўся ў святочную флэш-паштоўку, якая потым адпраўлялася ў падарожжа па інтэрнеце і збірала лайкі.

Трэці цуд пасяліўся там, дзе яго зусім не чакалі – у гіпермаркетах горада. Мы пабудавалі сапраўдны дом, упрыгожаны па-святочнаму, дзе жылі калядныя персанажы-прамоўтэры. Сваіх гасцей яны частавалі звараным з вялікай любоўю цёмным півам Аліварыя Каляднае, спявалі з імі песні, танчылі, напаўняючы ўсе навокал магічным калядным настроем.

24 000
дарослых переканаліся ў існаванні
па меншай меры трох цудаў.
Вернуться ко всем работам